Syair/Zikir Aceh; Masa Hijeurah

***MASA HIJEURAH***

Masa hijeurah nabi muhammad

Neu tinggai teumpat meukah mulia

Bak watei suboh nabi beurangkat

Dua ngen sahbat ngen abu bakar

Saidina ali tinggai dirumoh

Musoh dumpunoh di rawe lingka

Nabi tren uyeub neu gidong tanoh

Neu kalen musoh teungeut terhampa

Nabi neu cok le sireugam abei

Neu preuk bak ulei musoh si dum na

Nabi neu teubiet musoh han jithei

Akai kapadee mata ka buta

Oh ban teu keujot seutres hana ban

Ji kaloen kata nabi mulia

Yoh nyan laju bak ali di peurab

Hoka Muhammad tapeugah sigra

Ali neu jaweub hana loen teupat

Di loen bak teupat teungeut terhampa

Gata yang awai si malam beungoh

Muhammad gadoh hilang di mata

Meunyo bak loen bek tameuteu oh

Ta ingat loen poh beureuloh muka

Yoeh nyan yahudi ka dimeupakat

Nabi Muhammad taseutot sigra

Nabi hijeurah peusiblah unting

Seuhingga langgsong bak saboh guha

Laju neu tameng neujak meu lindong

Meu untong-untong ngen abu bakar

 

Tags:

Islam

religius

order

blogger

posting

create

edit

cool

call